USA-p Korea Avannarleq mianersoqqugaa
Pentagon ippassaq ataasinngornermi taama nalunaaruteqarpoq, Korea Avannarliummi nunanut allanut tunngasunut ministeriata Ri Yong-Hop Trumpip sapaatip-akunnerata naanerani oqaaserisai sorsukkumalluni nalunaaruteqarnertut taammagit.
Amerikamiut timmisartui qaartartumeerisinnaasut Korea Avannarliup silaannartaanut anngutissappata timmisartut taakku nakkartissinnaassallugit, Korea Avannarliup nunanut allanut mnisteriata ilanngullugu oqaatigaa:
- Korea Avannarliup qinngasaarinini unitsinngippagit præsidentip Korea Avannarlermut iliuuserisinnaasai pillugit assigiinngitsunik periarfissikkumaaripput nalunngilarsi, sakkutuut naalagasa ilaat Robert Maning, Pentagonimeersoq, oqarpoq.
USA Korea Avannarlermut sorsunnianngitsoq, præsidentip illorsuata oqaaseqartittagaata Sarah Huckabeep ataasinngornermi erseqqissaatigaa, allaallumi sorsukkumalluni nalunaaruteqartoqarsimaneranik oqalunneq isumaqanngilluinnartutut taallugu.
/ritzau/Reuters