USA-p aallartitaa: Isumaqatigiissummik tamanut tulluartumik peqalissaaq
USA-mi eqqartuussiviup ukiormanna kiffartuussinissamik isumaqatigiiffigineqarsimasup Exelis Servicesip ajugaanera unioqqutitsinerusoq aalajangiuppaa, maannalu eqqartuussut suliassanngortitsissutigineqaqqippoq. Tamannalu kikkut Pituffimmi kiffartuussisuussanersut aalajangiunneqarnissaata kinguaqqinneranik isumaqarpoq.
- Aalajangiisoqarnissaanut piffissaq suli sivisusinnaavoq, USA-p aallartitaa AG-mi pingasunngornermi saqqummersumi taama allappoq.
- Pingaarnerpaavorli Kalaallit Nunaat - Danmarkilu USA-lu aaqqiissuteqarnissamik oqaloqatigiinnissaat. Tamanna nunanut allanut attaveqarnikkut politikkikkullu ingerlanneqassaaq, Gifford oqarpoq.
AAMMA ATUARUK Exelis suliassanngortitseqqilersoq
- Oktobarip aallaqqaataani Greenland Contractorsip Pituffimmi sullissinera utaqqiisaasumik ingerlaannarniassammat aaqqiisoqapallattariaqarpoq. Aamma siunissaq ungasinnerusoq eqqarsaatigalugu aaqqiissuteqartariaqarluta, John Rufus Gifford AG-mut taama oqarpoq.
USA-p aallartitaa Kalaallit Nunaat tallimassaanik tikeraaqqammerpaa, maannakkut tusagassiortut peqatigalugit sermersuarmut silap pissusianik ilisimatusartut pulaariartorpai.
Kalaallit Nunaata USA-llu akornanni suleqatigiinnerup pitsanngorsarnissaanik suliaqarnini imatut aviisimut oqaatigaa, "Suliffinni alutornarnerpaasarpoq unammillernarnerpaasarlunilu".
AAMMA ATUARUK USA naqqiuteqarpoq: illersornissamut isumaqatigiissutip isumaqatiginninniutigeqqinnissaa pilersaarutaanngikkallarpoq
AAMMA ATUARUK USA-p illersornissamut isumaqatigiissut isumaqatigiinniutigeqqikkumagaa