USA-mi qinersineq 2016 Trump: Amerikamiunut tamanut præsidentiussallunga neriorsuutigaara
Donald Trump USA-mi præsidentitut qinigaavoq.
Republikanerineersoq Donald Trump tapersersortiminut oqalugiarluni USA-mi præsidentimut qinigaanini pillugu qujassuteqarpoq.
Aamma amerikamiut kattutsinniarlugit oqaatigasa.
- Tamanut neriorsuutigissavara amerikamiunut tamanut præsidentiussallunga. Tamanna pingaarteqaara, Trump oqarpoq.
Unammilertaa Hillary Clinton suli tamanut ammasumik oqaaseqanngilaq, Trumpili sianerfigisimavaa.
- Hillary Clintonip sianerfigeqqammerpaanga. Ajugaanitsinnik pilluaqquaatigut, Donald Trump nuliani qitornanilu nikorfaqatigalugit taama oqarpoq.