VIDEO USA-mi indianerit 100-t sinneqartut politiinit tigusarineqartut
Akerliussutsimik takutitsisut politiillu North Dakotami aporaapput. Uuliap aqqutissaata indianerit reservatiatigoortussaq assortuussutaavoq.
Video file
Allattoq Ritzau
oktobarip 28-at 2016 06:30
Nutserisoq Simon Uldum -
Sioux-indianerit general Custerimut sorsunnertik Big Hornimilu akersuunnertik tusaamaneqaatigaat, taakkulu kinguaavi North Dakotap pinngortitaatigut uuliap aqqutissaanik kilometerinik 1700-nik isorartutigisumik sanaartortoqarniarneranut qaammaterpassuarni akerliussutsimik takutitsisarput.
Assortuunneq aporaanninngormat politiit gassimik qulliliornartulimmik atuipput akerliussutsimillu takutitsisut 110-t tigusaralugit. Amerikamiut avatangiisinillu illersuiniartut amerlasuut indianerit illersorlugit uuliamik suliffissuaqarneq aamma akiorniarsaraat.
Ilaatigut Innuttaasut pisinnaatitaaffiinik ilungersuutiginnittoq Jesse Jackson indianerit tapersersorlugit aamma akerliussutsimik takutitsisuni oqalugiarsimavoq.
