USA-mi ilinniarfiit ilaani aallaasersortoqarpoq
USA-p avannamut kippasissortaani Oregonimi Roseburgimi ilinniarfiit ilaanni ullumi aallaasersortoqarmat inuit ikinnerpaamik qulit toqutaapput. Politiit nutaarsiassaqartitsivimmut Reutersimut taama nalunaaruteqarput.
Allattoq Ritzau
oktobarip 01-at 2015 18:02
Nutserisoq Mads Lynge
Aallaasersortoq politiinit tigusarineqarsimavoq, tigusarineqartorli politiinit aamma aallaaneqarsimanersoq ilisimatitsissutigineqanngilaq.
Roseburgimi ilinniarfiit ilaanni aallaasersortoqartoq, politiit tamaani oqaaseqartitaata tv-qarfimmut CNN-imut oqaatigaa.
Toqutaasut saniatigut 20-t allat ikilerneqarsimapput, universitetit ilaat Umpquamik taaguutilik aallaasersorfiulluni. Umpqua illoqarfissuarmit Portlandimit kujammut 200 kilometerinik ungasissusilimmiippoq.
Universitetip eqqaa politiinit assersorneqarpoq, innuttaasullu qanillattornaveersaarnissaat kajumissaarutigineqarluni.
Illoqarfik Roseburg 20.000-inik innuttaqarpoq.
USA-mi ukioq manna 45-ssaa ilinniarfinni aallaasersortoqarpoq.
