Upernaviup Uummannallu nunaqarfii nutaanngitsuinnarnik qummoroortartoqassapput
Qummoroortartummi suli Upernavimmiillutillu Uummannamiipput. Qulimiguullillu sillimaniarneq patsisigalugu qummoroortartunik nunaqarfinnut assartueqqusaanatik.
Illoqarfiillu nunaqarfiillu akornanni sikuniarnera ukioq manna ajormat, sikukkut angallannikkut assartuisoqarsinnaanngitsoq Pilersuisup nalunaarutigaa, taakkuummatami nioqqutissanik nunaqarfinnut pilersuisut.
Qummoroortartut siornarnisat maanna naammakkallarput. Kullorsuarmi Kangersuatsiamilu Pilersuisumilu sulisut taama ilisimatitsipput.
Aamma atuaruk Politiit: Isarussat illersuutit eqqaamallugit
Naak Upernavimmit nunaqarfinnullu Uummannallu Sulluata avasinnerusortaani nunaqarfinnut, ukioq manna sikuniarnera ajornarnerugaluartoq, Uummannap Sulluata qinnguata tungaanit Uummanniarlutik qummoroortartusiniartoqarlunilu nioqqutissanik pisiniartoqarsinnaasoq aamma ilisimatitsissutigineqarpoq.