Unnuk kulturisiorfik misigisassaqartitsiffiussasoq
Politiit qimmii qanoq sulisarnersut alakkakkit, politiit biiliinulluunnit ilaagit. Ilaquttatit nassarlugit Royal Greenlandip suliffeqarfiutai pulaarsigit. Ilisimatusarfimmut telemulluunniit alakkaagit, imaluunniit atuagaateqarfimmut Rasmus Lyberth appisimaartoq tusarnaariarlugu.
Tassami unnuk kultorisiorfik, ukiumoortumik ingerlanneqartartoq, unnugu pissaaq. Peqatigiiffiit, suliffeqarfiit pisiniarfiillu arlalippassuit, assigiinngitsunik misigisassaqartitsillutik, tamanut tikilluaqqusissapput.
Aamma atuaruk KNR allarpassuillu Unnuk Kulturisiorfik 2015-imut arfininngorpat unnukkut tikilluaqqusissapput
Aamma atuaruk Trailer: Unnuk kulturisiorfik 24.01.2015
Illoqarfiit nunaqarfiillu katillugit arfineq-pingasut kulturikkut tamanut sammisunik, meeqqanut aliikkusersuinerninngaanniit politikkinut tunnganerusunut, misigisassaqartitsiniarlutik peqataassapput:
Kommune Kujalliup borgmesteriata Jørgen Wæver Johansenip, Kommune Kujallermi aaqqissugaanermut politikki innuttaasunut arfininngorpat nassuiaateqarfiginiarpaa.
Qaqortumi qinikkat ataatsimiittarfianni tamanna pissaaq, Nanortalimmili Narsamilu innuttaasut peqataanissamut periarfissaqassapput, attaveqaatimmi aqqutigalugit toqqaannartumik malinnaasoqarsinnaassammat.
Suliffeqarfiit Nuummiittut katillugit 40-t matui ammatinneqassapput, taakkulu akornanni KNR-ip illuutaani takornariarnissamut aamma periarfissaqassalluni.
Illoqarfiit assigiinngitsuni unnukkut pisussat nittartakkakkut alakkarneqarsinnaapput.
