Assi: Esther Zeeb

GEUS: Unnuaq nuna sajunngilaq

Uummannap Kangerluani nunap ataani ataasinngornermut unnuaani malunnaatilimmik aalasoqarnersoq uuttuisoqarsinnaasimanngilaq.

Nunap sajunneri pillugit ilisimatusarluarsimasoq GEUS-imeersoq Tine Larsen KNR-imut taama oqarpoq.

Nuugaatsiami nunap sajunneranik uuttortaammut arfininngornermi unnukkut pisoqarnerata kingorna minutsit 15-init qaangiuttut attaveeruppugut, taamaattumillu misissuiffigisinnaajunnaarparput. Kalaallit Nunaatali sinnerani uuttortaatit misissorpavut, taakkununngalu Upernavimmi uuttortaavik qaninnerummat misissorlugu. Nalunaarsuutinili takusinnaasimanngilarput nunamik saluttoqarsimanersoq sisoortoqarsimanersorluunniit, Tine Larsen oqarpoq.

Nunap annertuumik sisoorsinnaaneranik nalunaaruteqartoqarnerata kingorna Issittumi Sakkutooqarfik sapaatiummat unnukkut aalajangerpoq nunaqarfinni Illorsuarni Niaqornanilu innuttaasut qimagussorniarlugit.

AAMMA ATUARUK Illoqarfinnut marlunnut qimagutitinneqartut

GEUS-imili sisoortoqarsimaneranik uuttuisoqarsinnaasimanngilaq. Imaanngilarli sisoortoqarsimanngitsoq, Tine Larsen oqarpoq.

Qaqqarujussuit immap naqqanut tussimanngippata, nunap sisoornera nunap sajunneranik uuttuisartunit uuttorneqarsinnaanngilaq.

- Qulakkeerlugu ilisimasarput unaavoq arfininngornermi nunap sajunnera sakkortoorujussuarmik uuttuivitsigoormat. Taanna Kalaallit Nunaat tamakkingajallugu uuttuutit malugivaat, sapaatiummalli nunap sisoornera uuttuutita malugisimanngilaat. Taamaattumik oqarsinnaavugut sakkortuallaarsimanngitsoq.

Sajuttoqaqqissanersoq siumut oqaatigineqarsinnaanngilaq.

Ikerasannili, Saattuni, Ukkusissani Qaarsunilu inuttaasut politiinit kajumissaarneqarput immap pissusilersornera nakkutigilluaqqullugu.

AAMMA ATUARUK 39 evakueret fra Nuugaatsiaq

 

AAMMA ATUARUK Upernavik og bygder uden for yderligere fare

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!