ASSIT Unnuap Taarnerpaaffiani Avannaani takutinneqalersoq
Filmiliortitseqatigiiffik Tumit, Nunafondimit tapiissutisinermigut, Malik Kleistip qiiaamminartuliaa nuannarineqarluartoq Unnuap Taanerpaaffiani angallallugu takuteqattaarsinnaanngorpaa.
Angalaneq Upernavimmi marlunngornermi maajip 26-ani aallarnerneqassaaq, tassanngaanniillu Uummannaq, Qeqertarsuaq, Sisimiut, Aasiaat, Qasigiannguit aamma tulleriiaallugit tikinneqassapput, kingullertullu Maniitsoq juunip 12-ani tikinneqassalluni.
AAMMA ARTUARUK 5 stjerner til Unnuap taarnerpaaffiani
Filmi qiiaamminartuliaq Nuummi Kujataanilu takutinneqarmat isiginnaarianik qiiaammertitsilluni nilliatitsisarsimavoq. Filmimillu ilitsersuisup Malik Kleistip filmimi pingaarnertut inuttaasoq Qillannguaq Berthelsen peqatigalugu filmip Unnuap Taarnerpaaffiata Avannaani angallannissaanut qilanaarpoq.
Filmi Nuummi Katuap Filmertitsisarfiani aasaru takuteqqinneqassaaq, aammattaaq Islandimi septembarimi oktobarimiluunniit takutinneqarnissaa sulissutigineqartoq, Malik Kleist tusagassiorfinnut nalunaaruteqarluni taama allappoq.
