Assi: KNR

Nunanut allanut unammisartut Unammisartuniiginnissanerlutik nalornissutigaat

John Thorsen aamma René Olsen siulitttaasutut sungiusaasutullu tunuarput. Nunanut allanut unammisartut unammisartuniiginnissanerlutik nalornissutigaat, Tekle Ghebrelulip soraarsitaanerata kingorna

Tekle Ghebrelul isikkamik arsaattartut nunanut allanut unammisartunut sungiusaasutut soraarsinneqarneratigut Kalaallit Nunaanni isikkamik arsaannerup tusaamaneqarnera innarlerneqarpoq.

KNR-imi timersorneq pillugu ilanngutassiisartoq Uju Petersen taama isumaqarpoq.  - Nunatsinni arsarneq innarlerneqangaatsiarpoq, Uju Petersen  oqarpoq.

AAMMA ATUARUK GBU-mi siulittaasoq soraarsitsisoqareersoq tunuarpoq

Taanna isumaqarpoq,  Ghebrelulip nunanut allanut unammisartunut sungiussasutut soraarsinneqarnera eqqumiitsoq  timersortartut peqatigiiffianni pisimasoq tunngavigineqarmat, nunanut allanut unammisartunut sungiusaasunera pineqarani.

AAMMA ATUARUK Sungiusaasup soraarsitaanera Nunatsinni isikkamik arsaannermut innarliivoq

Sungiusaasup soraarsinneqarnera Uju Petersenip uggornartiappaa sungiusaasuuneranimi angusaqarluartoqarsimammat,  - Qanittumi Island Games-imi unammisoqarmat  Nunanut allanut unammisartut sølvinnapput tassuunalu takusinnaavarput ukiuni kingullerni suliniutigineqartut  ajunngitsumik kinguneqarnerat sungiussaasuusimasullu taama pitsaatigisumik angusaqarsimammat soraarsitaanera  uggornarpoq.

Timersoqatigiiffimmi Kâgssagssuk mi isikkamik arsaattartup Tekle Ghebrelul assileriarlugu aapakaat banaanillu assinginik ikussiffigaa nittartakkanilu attaveqatigiittarfimmut takutitassiaralugu. Taanna isikkamik arsaannermi anngunniunnermi  peqataajunnaarsinneqarpoq. Attaveqatigiittarfimmi Facebookimi taassuma aalajangiusimallugu oqarpoq, ammip qalipaa pillugu immikkoortitsinermik isumaqarani, taassumali Kalaallit Nunaanni Isikkamik Arsaattartut Kattuffiat aamma nunanut allanut sungiusaasoq  Tekle Ghebrelul saassutarai. Taassuma arsaqqusaajunnaarsitaanini paasisinnaanagu Facebookimi allappoq, Tekle Ghebrelulimullu kinguneqartitsisoqarani naak taanna siusinnerusukkut  Maniitsumi meeqqamik issuttuussisimagaluartoq. Tamannali eqqunngitsoq Isikkamik Arsaattartut Kattuffianni siulittaasuusimasoq allappoq. Tekle Ghebrelul Maniitsumi unammisoqartillugu isiginnaartunut ajortisaarisimanini aamma ammip qalipaataa pillugu immikkoortitsinertut nipilimmik saassunneqarnermi kingorna meeqqamik issuttuussisimanini pillugu Isikkamik Arsaattartut Katuffiannit mianersoqqussummik upernaaq manna tunineqarpoq. Nunanut allanut unammisartunut sungiusaasuuneranik  mianersoqqussummik tunineqarpoq,   siulittaasuusimasoq John Thorsen taama allappoq. Arsaattartup arsaateqqussaajunnaartup Teklep iliuuserisimasaanik oqarnera GBU-mit misissorneqarpoq. Arsaattartoq allappoq,  anngunniulluni unamminermi Nuummi pisumi Kâgssagssuk isertitsimmat  nuannattoqartillugu Teklep  qiterlini nittarsaassimagaa. Taama iliortoqarsimaneranik oqarneq  arsaaffiup sinaani domeriusup Facebookimini allappaa. Qiterlermik nittarsaassisoqarsimaneq Isikkamik Arsaattartut Kattuffiannut nalunaarutigineqarsimanngilaq, Kattuffiullu arsaattarfiup sinaani dommeriusoq pisoq pillugu attavigivaa, taassumali taama pisoqarsimaneranik uppernarsaasinnaasimanngilaq. John Thorsenip  tusagassiuutinut nalunaarutaa naapertorlugu Teklep assamminik nittarsaassinera assigiinngitsunik paasineqarsinnaavoq.  - Taamali iliortoqarsimaneranik  oqarneq Tekle Ghebrelulip eqqaamanngilaa. Assammik nittarsaassisoqarsimaneranik oqarneq dommerinit, Kâgssagssumiut issivianiittunit, anngunniulluni aaqqissuussisunit B-67-miluunniit unammisunit takuneqarsimanngilaq. -  Tassalu  pasilliutinik uppernarsaatitaqanngitsunik pisoq inerneqarpoq.   John Thorsen allappoq. Arsaattarfiup sinaani dommerip Facebookimut ikkussimasaa tunngaviliullugu, Tekle Ghebrelulip soraarsinneqarnissaanut GBU-mi siulersuisut amerlanerussuteqartut aalajangerpaat.  Soraarsitsineq  John Thorsenip isumaqatiginagu GBU-mi siulittaasutut tunuarpoq. Nunanut allanut unammisartunut sungiusaasoq Futsalernermilu ataqatigiissaarisoq Rene Olsen  soraarsitsineq isumaqatinagu sungiusaasutut soraarpoq.

Ghebrelulip soraarsitaanerata saniatigut Futsalimi nuna tamakkerlugu sungiusaasoq Rene Olsen aamma GBU-mi siulittaasoq John Thorsen tunuarput. Tamanna Kalaallit Nununaanni isikkaamik arsaattartut suleqatigisaanut innarliisoq  Uju Petersen isumaqarpoq.

- Kalaallit Nunaanni Arsaattartut Kattuffiata Danmarkimilu Arsaattartut Katuffiata DBU-p kalaallit nunaanni arsaanneq pillugu FIFA-mut suleqatigiinneria ukiuni kingullerni suliarineqartoq  innarlerneqarpoq, Uju Petersen oqarpoq.

FIFA pillugu ukiuni kingullerni suleqatigissutigisisaat kalaallit nunaanni arsaanneq pillugu  
Arsaattartut nunanut allanut unammisartut unammisartututut tunuartitertut Uju Petersenip tusarsimavai

- Angutit Isikkamik arsaallutik nunanut allanut unammisartut ilai tunuarterput  
Nunanut allanut unammisartup  Nicklas Thorleifsenip oqarnera naapertorlugu nunanut allanut unammisartut toqqissisimanngillat  

- Toqqissisimanngitsorujussuuuvugut  nunanu allanut unammisartuniiginnassanerluta qularalutigu, Nicklas Thorleifsen oqarpoq.

Tekle Ghebrelulip sungiusaasutut soraarsitaanera nunani allani aalassassutaavoq.

AAMMA ATUARUK Sungiusaasup soraarsitaanera aalassaataasoq nunarsuaq tamakkerlugu allaaserineqartoq

Nunat allamiut nittartagaanni, Nepalimi, Taiwanimi, Spaniami, Tuluit Nunaanni Danmarkimilu  Tekle allaaserineqarpoq.

AAMMA ATUARUK Arsaattartoq ammip qalipaataanik assigiinngisitsisoq

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!