Umiatsiaararsortunut pisasseeriaaseq nutarterpaat
Tassalu aqutsiveqarfinni Ilulissani, Uummannami Upernavimmilu umiatsiaararlsorluni aalisartunut kvartalikkaarlugu ukioq manna pisassiissoqassaaq.
Umiatsiaararsorlunilu ukioq manna qaleralittassat tamakkiisut 20 procentii ukiup qaammataanut kingullernut pingasunut immikoortinneqarput.
Pisassat sinneri 80 procent-iusut ukiup qaammataanut sinneruttunut qulinguiluanut nalingiittumik agguataarneqarput.
Aalisartut tunisassiortullu isumaqatigiissinnaagunik, immikkoortunik isumaqatigiisusiortoqartarsinnaanera, Aalisarnermut naalakkersuisoqarfiup tamanna akuersaarsinnaagaa, Nammilersorluni Oqartussaniit oqaatigineqarpoq. Tassalu aalisartut tunisassiortullu pissutsinut naleqqussarniarlutik isumaqatigiissinnaapput.
Kvartalimut pisassiissutit nungukkaagata, aalisarneq unittassaaq. Kvartalimi ataatsimi pisassat tamakkerneqanngikkaangata, pisarinngitsuukkat kvartalip tullianut nuuneqartassapput.
Naalakkersuisut erseqqissaapput, taama aalajangiinermikkut sinerissamut qanittumi qaleralinniarnermik aqutsineq pillugu suleqatigiissitat inassutaat malikkitik.
