Umiarsuarni takornariartaatini ilaasunut akitsuut atorunnaarsinneqarpoq

Umiarsualivimmiinnernut aamma umiarsuarmi takornarianik angallassisuni ilaasunut akitsuut atorunnaarsinneqarpoq.

Taarsiullugu umiarsualivimmi talinnganermi akileraaruteqalissaaq tassanilu akileraarut umiarsuup oqimaassusaa aammalu ullut qassit umiarsuup Nunatsinni umiarsualivimmiinnera pillugu akiliisoqartalissalluni.

Umiarsuarnik takornarianik angallassinerup patajaallisarnissaa aalajangernermut pissutaavoq, tassami umiarsuit  takornarianik angallassisut nunatsinnut tikittartut ukiut kinuglliit  ikileriaateqangaatsiarsimammata.
Akitsuutip atorunnaarsinneqarnissaa Inuit Ataqatigiit aallaqqaataaniilli akerlerivaat. 

Allanngutissatut siunnersuutip pingajussaarneqarnerani Inuit Ataqatigiit  allannguutissatut siunnersuuteqaraluarput, tamannalu akuerineqanngilaq.

Allannguutissatut siunnersuutigisaat tassaavoq umiarsualivimmiinnermi akileraarut nutaaq qaffanneqassasoq, taamaasillunilu 1,6 millionit koruunit pigiinnarneqarsinnaallutik taakkualu ilarujussui  nunatta avammut nittarsaannissaanut atorneqarlutik.

Inuit Ataqatigiit siunnersuut aporaatsiffeqartippaat, umiarsuimmi minnerit annernit annertunermik akiliisalissammata.

 Aamma atuaruk Takornariartaatinut ilaasunut akitsuutip atorunnaarsinniarnera IA-p isumaqatiginngilaa

Aamma atuaruk Umiarsuarnut takornariartaatinut ilaasumut akitsuut Naalakkersuisut atorunnaarsinniarpaat

 Aamma atuaruk   Takornarialerisuunikoq: Naalakkersuisut imminnut aaginnarput