Umiarsuaq ilulissamut aportoq
Royal Arctic Linep umiarsuaa Angaju Ittuk Nanortallip eqqaani iluliamik ataasinngornermi juulip aqqarngani aporsivoq.
Allattoq Aaqqissuisoqarfik / Redaktionen
Umiarsuup siua ajoqusersimavoq inunnilli ajoqusertoqarsimanani mingutsitsisoqarsimaneranillu imaluunniit assartukkat ajoqusersimanerannik nalunaaruteqartoqarsimanani.
Suna apuinermut pissutaasimanersoq oqaatigissallugu suli siusippallaartoq Royal Arctic Linep oqaatigaa, umiarsuaatileqatigiiffiulli pisoq qulaajarumallugu oqartussaasut tamaasa suleqatigai.
Royal Arctic Linep piffissami qaninnermi aggersumi usit assartukkat qanoq isumagineqarumaarnerinik marlunngornerup ingerlanerani ilisimatitsissuteqarfigiumaaraa, umiarsuaatileqatigiiffiup tusagassiuutinut nalunaarummi ilaatigut allaaseraa.