Umiarsualivimmi sulisut ilinniagaqarsimanngitsut akissarsiakippallaarput
Suliarput pingaaruteqarluinnartuuvoq, akissarsiavullu aaqqiivigineqartariaqarput, sulisut sinniisaat oqarpoq.
Allattoq Elisa Isaksen
Umiarsualivimmi sulisut sinniisaat Gerth Sigurdsen taama oqarpoq, suliaat ilaatigut sakkortusinnaasarmata, sulisut akunnermusiaasa qaffasinnerunissaa oqaatigalugu.
- Pissaqarnerusut pissakinnerusullu akornanni assigiinngissut angivallaaqaaq, akunnermusiavut matumani assersuutaasinnaapput, Gerth Sigurdsen oqarpoq.