Ulussaarsuup Dominicamut aqqusaarnerani inuit 15-it ajunaartut 20-llu maqaasineqarlutik
Qeqertami Caribiap imartaaniittumi naalagaaffeeqqami Dominicami ulussaarsuaq Maria aqqusaarmat ikinnerpaamik inuit 15-it inuunerannik akeqarpoq, inuillu 20-t maqaasineqarlutik.
Allattoq Ritzau
septembarip 22-at 2017 07:50
Nutserisoq Ane-Marie Petersen
Ministeriuneq Roosevelt Skerrit nutaarsiassaqartitsivik BBC naapertorlugu taama paasissutissiivoq.
Inuilli ajunaartut amerlanerunnginnerat ministeriunerup tupinnartuliaasoq killitsisimaqaluni illoqarfiup nutaarsiassaqartitsivianut oqaatigaa.
- Sakkortoqaaq. Aatsaat taama aserortertoqartigisoq takuarput, taanna oqarpoq.
Angerlarsimaffiit atuarfiillu piuneerupput, attaveqaatit ajorsimmata qeqertap napparsimmavissua innaallagiaaruppoq.
- Nunarsuarmiooqataasut ikiuukkumasut tamaasa tikilluaqquagut, ministeriuneq Roosevelt Skerrit oqarpoq.
Ulussaarsuaq Maria kategori 4-tut sakkortussuseqarluni ataasinngormat qeqertami anorersuallarmat aqqusaakkani aseruatitersimaqai.
/ritzau/
