ASSIT Ulussaarsuaq sakkortoqaaq

Savalimmiut juullikkunni anoraasuartalissuarmik anorisiorfiusimaqaat. Savalimmiuni tusagassiortoq naapertorlugu anorersuaq sakkortusimaqaaq.
decembarip 27-at 2016 14:39

- Ulussaarsuaq ataasiinaanngitsoq, kisianni ulussaarsuit marluk tulleriiginnarlutik eqqormatigut sakkortoqaat, Brynhild Thomsen, Savalimmiuni KNR-imut sanilliunneqarsinnaasumik Kringvarp Føroyami tusagassiortuusoq, oqarpoq.

Savalimmiuni juullikkunni anoraa sekundimut 80 meterinik uuttorneqarpoq, Brynhild Thomsenilu naapertorlugu naqitsiniisaffiit Savalimmiuni uuttorneqartoq aatsaat taama appasitsigaaq. Qaqutigoortuali uaniippoq - ulussaarsuup sivisunera.

- Juulliaqqami aallartipoq, aatsaallu ippassaq ullup qeqqariartornerani anorikillilluni, Brynhild Thomsen oqarpoq.

Assi © : Lív Jónsveinsdóttir Hansen
Foto: Lív Jónsveinsdóttir Hansen

Taanna naapertorlugu ulussaarsuaqarnerani inunnik annerusumik ajoqusertoqanngilaq.

- Naamik, qujanartumik annerusumik ajoqusertoqanngilaq. Anoraasuasarnerani orlusoqartarsimavoq, ataatsillu niuni napisimavaa, kisianni annerusumik pisoqaqqinngilaq, tusagassiortoq oqarpoq.

Sillimasiisarfiilli ullumi ulapputtunnguusimapput, illummi qaliaasa ilaat tingitaasimapput illuliallu aserorsimallutik.

 - Sillimasiisarfiimmut aatsaannguaq pulaaratta, ullaarlilu qulingiluanut ammammatali oqarasuaat sianeqattaaginnaavissimavoq, Brynhild Thomsen oqarpoq.

Ulussaarsuaqarneranili aseruanerit suli misissorneqanngimmata amerlassuserpiaat suli ilisimaneqanngillat. 

Assi © : Rúni Sundberg Patursson
Foto: Rúni Sundberg Patursson

Savalimmiut inissisimaffia silamut navianaateqaraluartoq juullikkunni ulussaarsuaq immikkut ippoq. 

 - Anorersuit sungiusimavagut, kisianni juullikkkunni ulussaarsuaq sakkortoqaaq sivisullunilu, Brynhild Thomsen oqarpoq.
Sekundtimut 78,7 meteriinik sakkortutigisumik anoraasuarmat savalimmiut nunarput qaangerlugu rekordiliivoq. Nunarput DMI naapertorlugu rekordeqaraluarpoq, Danmarkshavnimi januaarip 13-iani 1995-imi sekundtimut 751, meterinik sakkortutigisumik anoraasuallarmat.

 

Assi © : Lív Jónsveinsdóttir Hansen
Foto: Lív Jónsveinsdóttir Hansen

 

Assi © : Lív Jónsveinsdóttir Hansen
Foto: Lív Jónsveinsdóttir Hansen

 

Assi © : Rúni Sundberg Patursson
Foto: Rúni Sundberg Patursson

 

Assi © : Rúni Sundberg Patursson
Foto: Rúni Sundberg Patursson

 

 

Assi © : Rúni Sundberg Patursson
Foto: Rúni Sundberg Patursson

 

 

Assi © : Rúni Sundberg Patursson
Foto: Rúni Sundberg Patursson