Ullut qulit qaangiummata qaminniarneqalerpoq

Kommunemi upalungaarsimasuutitat politiit peqatigalugit ikuallattoq pingasunngornermi alakkarpaat, ullumilu aalajangiunneqarpoq ikuallannerup siaruaatinnginnissaanut periarfissat misissorneqassasut. Qaasuitsup Kommunia tusagassiuutinut nalunaaruteqarluni taama allappoq.

AAMMA ATUARUK Ikuallattoq isumagineqapallakkaluaruni taama annertutigissanngikkaluarpoq

AAMMA ATUARUK Atortorissaarutinik nutaanik pissarsinissaq isumaliutigineqarli

Ikuallaffiusumit pujoq sumiiffinni arlalinnni akornutigineqarsinnaasoq, taamaattorli  inunnut uumasunnullu ulorianartorsiortitsinngitsoq sanaartukallu ikuallannissaannut ulorianaateqanngitsoq, kommuni allappoq.

Qatserisartut Qaasuitsup kommuniani illoqarfinni arlalinnersut ikuallattup siaruaatinnginnissaanut  suleqataassapput.

AAMMA ATUARUK Nassuttuumi ikuallannerup aavarnissaq akornuseraa

Ikuallanneq annertummat qaminneqarnissaanut suleqataasussanik amerlasuunik  atortunillu pisariaqartitsigamik, Qaasuitsup kommuniata oqartussaasunut suleqataasunut kaammattuutigaa iIkuallannerup qaminneqarnissaanut  siaruaatinnginnissaanullu ikiuuteqqullugit.

AAMMA ATUARUK Nassuttuumi Amitsorsuarmilu angallattoqannginnissaa kajumissaarutigineqarpoq

Kommune paasissutissanik annertunersunik paasissutissiisinnaanani nalunaarpoq.