- Taamannak pisoqarneraninngaanniit ullumikkut ajunngilagut, soorunami aamma sanngiiffeqartarpugut kisianni ajunngilagut, Pipaluk Løvstrøm oqarpoq.

Pipaluk Løvstrøm Nuugaatsiarmiu: Ulluinnaat pitsaanerupput

Uummannap sulluani ajunaarnersuaqarluni tassaarsuartoqarmat qaammatit pingasut qaangiutilerput. Nuugaatsiarmiuusimasoq Pipaluk Løvstrøm ajunaarnersuarmi ilaquttaminik minnerunngitsumillu angerlarsimaffimminik annaasaqarsimasoq, Uummannamut uini meeqqanilu ilagalugit ullumikkut nuussimavoq.

Naallu Nugatsiami inuuneq nunaqqatigisimasallu maqaasinartaraluartut, sannginerullutik ulluinnaqaleriartorlutik, taanna oqarpoq. 
- Taamannak pisoqarneraninngaanniit ullumikkut ajunngilagut, soorunami aamma sanngiiffeqartarpugut kisianni ajunngilagut, Pipaluk Løvstrøm oqarpoq.

Taanna Nuugaatsiami tunitsivimmi suliffeqarsimasoq, meerai nukarliit Uummannami meeqqerivimmi massakkut inissaqanngimmata paarsisussarsiornissarlu ajornakusoormat suliffeqanngikkallarpoq.

- Ippingiatornarpoq, nammineq nunagisatsinni imminut pilersornikuulluni massakkut taamaalisinnaani erloqinalaartorujussuuvoq, Pipaluk Løvstrøm oqarpoq. 

AAMMA ATUARUK Nuugaatsiaq Illorsuillu saliiffigineqalersut

Sungiusimasat inuulluaqqullugit

Tassaarsuup nassatarisimasaasa aammattaaq ilagivaat sungiusimasat, ulluinnarni takusartakkat inuulluaqqunissaat.

Sualummik nunaqqatigiittut, ullut tamaasa takusuaannavilluta, takorpiassaarluta, ilai allamut nutsertut. Taanna assorujuk qamuuna annernaraluarpoq, allatummi ajornaqaaq, Pipaluk Løvstrøm oqarpoq.

Kalaallit Røde Korsiat ilaqutariit Nuummut tikeraarnissaannut periarfissiisimavoq. Ilaqutariit Løvstrømikkut sapaatip akunnerata missaa Nuummeereerlutik ullumikkut tallimanngornermi Uummannamut angerlarput. Anaanaasullu Nuummiinini assut nukittuallaatigaa.

- Nuugaattaamiikkallaratta aasaq tamaat angalasaratta, oqarlutalu aallartaratta, taava massakkut angalaanngiivinnikuugatta, allamut nikilaarnissatsinnut periarfissinneqaratta, soorlulimi siuariaallalluni, Pipaluk Løvstrøm oqarpoq.

AAMMA ATUARUK Nuugaatsiami pigisat assartorneqartut

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!