Ukiuni tallimani pinerluuteqarsimannginnissaq qinigaanissamut piumasaqaataavoq
Tamanna pisinnaavoq pinerluuteqarsimanermik pineqaatissinneqarsimannginnermik uppernarsaammik politiinit pissarsisimagaluaraannilluunniit.
Qinigaasinnaaneq qulakkeerneqartarpoq pinerluuteqarsimannginnermik uppernarsaamik pissarsisimanikkut, ukiullu kingulliit tallimat pinerluuteqarsimannginnissaq imaluunniit inatsisinik unioqqutitsimanginnissaq pineqaatissiissutigineqarsimasumik.
Qinigaanerup kingorna pinerluuteqarsimannginnermmik uppersaat ukiuni kingullermi pingasuni atuuttut qinigaanermut ataatsimiititaliamut tunniunneqartarpoq.
Pinerluuteqarsimasup eqqartuussisunit pineqaatissinneqarneranit ukiut tallimat qaangiukkaangata qinigaasoq Kalaallit Nunaanni qinigaasinnaanermut ataatsimiititaliamit qinikkatut akuerineqartarpoq.
Qinigaasinnaanermi ataatsimiititaliami ilaasortaapput naalakkersuinermik suliaqartut politikerit sisamat siulitaasuulluni Kalalallit Nunaanni eqqartuussissuuneq Søren Søndergård Hansen.
Inatsisartunit toqqakkatut ilaasortaapput Vittus Mikaelsen aamma Godmand Rasmussen, Kommunit Kattuffiannit KANUKOKA-mit toqqagaallutik ilaasortaallutik Kathrine Larsen aamma Lars Karl Jensen.
Qinigaasinnaanermut ataatsimiititaliami aalajangiisoqassatillugu inatsisinik aalajangeriikkanik malitassaqanngilaq, qinerneqartulli ataasiakkaat unioqqutitsimaneri aallaavigalugit aalajangiiffigineqartarlutik, Søren Søndergård Hansen oqarpoq. Qinigaasut eqqartuussisutigut aalajangiiffigineqarsimanerat akiliisitaasimaneralluunniit aalajangiinermi tunngaviusarpoq.
Qinersineq naammassineqaraangat qinigaasut pinerluuteqarsimanersut misissorneqartarput, tamatumalu kingorna qinigaasinnaanermut ataatsimiititaliap qinigaasoq pinerluuteqarsimappat aalajangiiffisarlugu.
Qinigaasut ilaqarput annikitsunik tillissimasut, taakkuali qinigaasinnaanerannut akornutaasutut isigineqanngimata aalajangiiffigineqanngillat, Søren Søndergård Hansen oqarpoq.
Inuiaqatigiinni ineriartorneq ilutigalugu qinigaasinnaanermut killigitinneqartoq allanngorsimasoq, Søren Søndergård Hansen oqarpoq.
