Ukiorpassuarni qinersisarnerit pingaaruteqarnersaat
Ullumi ulloq tassaavoq ukiorpassuarni nunatsinnni kommunimut qinersisarnerit pingaaruteqarnersaat. Nunatta kommuninut 18-inut immikkoortiternera, ullumikkut qinersisoqarneratigut allanngortinneqassaaq.
Allattoq Louise M. Kleemann
Ikaarsaariarnermi ataatsimiititalianut ullumikkut 72-it qinerneqassapput, kommunillu immikkoortiternerisa nutaap januaarip aallaqqaataani 2009-mi atuutilernissaata tungaanut aalajangigassanik pingaarutilinnik suliaqartussaallutik.
332-t qinigassanngortipput – taakkunanngalu 260-it unnugu paasissavaat naammattunik krydsiliiffigineqarsimanatik, qinigaasussalli 72-iusut nunatta immikkoortunut nutaanut agguataarneqarnissaa suliarisussanngussavaat.
Nuummi qinersisartut katersortarfimmi qinersisaraluarlutik, siullermeerlutik arsaattarfiup eqqaanut Inussivimmut qinersiartussapput.