Ujaqqat unioqqutitsilluni katersat 500 kiilut arsaarinnissutigineqartut

Ujaqqat nunatsinneersut 500 kiilunit oqimaannerusut innuttaasup inatsisinik unioqqutitsilluni nunatsinnit avammut nassiunniagai, Aatsitassanut Ikummatissanullu Naalakkersuisoqarfimmit arsaarinnissutigineqarput. Naalakkersuisut nittartagaanni tamanna atuarneqarsinnaavoq.
Asseq toqqorsivimmit Assi © : Søren Aadaralak Lyberth/KNR
Allattoq Jonas Fievé
novembarip 29-at 2017 10:29
Nutserisoq Mads Lynge

Arsaarinnissutigineqartunit annertunerpaat nunatsinni inatsisinik unioqqutitsilluni katersorneqarsimasut nalunaarutigineqarput, ujaqqallu nunatsinnit Danmarkimut nassiunneqarnissaminnut piareeqqasimapput, naak avammut nassiunissamut inatsit naapertorlugu piumasaqaataasumik akuersissummik aamma tunniussisoqarsimannngikkaluartoq.

Ujaqqat pineqartut tassaapput kryolitit, sodalitit tugtupitillu. Nassiussassat avammut anninneqarnissaannik akuersissummi amigaateqarnerat, ilanngaaserisut unitsitsinerminni paasivaat.

Aatsitassanut Ikummatissanullu Naalakkersuisoqarfiup ujaqqat ilanngaaserisuniitinneqarallartut misissorpaat, taamattaarlu innuttaasumut pineqartumut kalerreeqqaarnatik nakkutilliiartorput.
Tamanna tunuliaqutaralugu ujaqqat amerlanersaat sumiiffinni kisermaassilluni misissuiffimmiittuni, ujarlernissamut ujaqqanillu katersinissamut kisermaassiviusussatut akuerineqartuni katersorneqarsimanerat naalakkersuisoqarfiup inerniliuppaa.

Ujaqqat arsaarinnissutigineqartut 569 kiilut maanna tuniniarneqassapput, iluanaarutillu nunatta karsianut nakkartinneqassasut nalunaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq