Ujakkaarnermik piginnaasallit inuusuttut Danmarkimi pissartanngorniuunnerni bronzennapput
Peter Wulffs Mindefondip inuusuttumut piginnaanilimmut nersornaasiuttagaa ukioq manna Bjarne Herbet Hansenimut sisamanngormat tunniunneqarpoq. Aqaguanilu Aká Olsenilu 17-inut ukiulinnut unammeqataagaluarlutik inersimasunut ajugaallutik bronzennapput.
Aamma atuaruk Sisorartartoq inuusuttoq akissarsitinneqartoq
15-inik ukiulik Bjarne Herbet Hansen 17-inillu ukiulik Aká Olsen qaammatip tulliani Nuummi Arctic Winter Gamesimi unammeqataassapput. Taakku SSP-p iligiivisa aapparaat, iligiit siulliit 19-inik ukiullit Nukappiannguaq Olsen Noah Noahsenilu normu 6-inngorput.
Ajugaasut sølvinngortullu qallunaajupput.
Martin Møller NSP-Nuummeersoq unammeqataanngilaq, iligisaa Karl-Peter Kristensen ajoqusersimalluni angerlarsimammat. Martin Møllerili arfininngorpat 50 kilometerimut qangatoortumik ujakkaarnermut qasunani unammeqataasssaaq.
Danmarkimi pissartanngorniunnermi kingoraaqattaalluni marlukkaarluni arpaliunnermi inernerit uani takukkit.
Aamma atuaruk Martin Møllerip danskit unammillertini suutinngikkai