Ujaasineq sapaammi nanginneqassaaq
18-inik ukiullip, Gudrun Sanimuínap, Qaqortumi sapaatip akunnerata siuliata naanerani illoqarfissioreerluni tammarneraniit suli takussutissarsisoqanngitsoq, politiit arfininngornermi paasissutissiipput.
18-inik ukiullip ujaarineqarnerani Qaqortumi namminneq kajumissutsiminnik ikiuukkusuttut sapaammi ujaaseqataaqqissapput.
AAMMA ATUARUK 18-inik ukiullip Gudrunip sumiinneranut takussutissaqanngivittoq
Sisamanngornermi ujaasigaluarput, iluatsinngimmalli aqaguani tallimanngornermi ujaaseqqittussaagaluarput, anorlerpallaarnerali pissutaalluni taamaatinneqarpoq.
Taamaammat kajumissutsiminnik ujaaseqataarusuttut kommunip ataatsimiittarfiani sapaammi, tassa aqagu, nalunaaqutaq aqqanermut naapeqqissasut, ujaasinissamik aaqqissuussisut facebookimi quppernerminni allapput.