Ujaasineq: Angut inuusuttoq Tasiilami tigummigallagaasoq qimaasimasoq
Matse Boassen, 16-inik ukiulik, pinerlussimasutut tigummigallarneqartoq Tasiilami politiinit ujaarineqarpoq.
Matse Boassen juulip ulluisa tallimaanni unnukkut aqqarnup qeqqata missaani isumaginnittunit nakkutigineqartilluni qimaagami kingullermik takuneqartoq, politiit tusagassiutinut nalunaarummi allapput.
Qimaasoq inunnut allanut namminermullu ulorianartutut nalilerneqarpoq. Taattumik innuttaasut takunnissimasinnaasut piaartumik politiinut saaffiginneqquneqarput sumiinneralu kalerriutigalugu.
Politiit aamma kaammattuutigaat ujaarineqartoq nammineerlutik attavigissanngikkaat.
Matse Boassen kalaaliuvoq, qernertunik naatsunik nujaqarluni. 165 cm-isut takissuseqarpoq. Taartunik kavaajaqarlunilu koorpunik qarleqarpoq, taartunillu timersuutinik skooqarlluni.
Takunnissimasinnaasut Tasiilami politiinut 701224-imut Sermersuullu politiivinut 701448-mut attaviginnissinnaapput.
