Frankrigimi ilinniarnertuunngorniarfimmi aallaasersortoqareersoq 17-inik ukiulik tigusarineqartoq
Paasissutissanik nutaanik nutarterneqarpoq nal. 10.03
Frankrigip kujasissuani illoqarfimmi Grassemi ilinniarnertuunngorniarfimmi aallaasersortoqarnerani inuit marluk ikiligaapput. Politiinit tusarfik Frankrigimi tusagassiorfinnut taama ilisimatitsivoq.
Ilinniartut marluk aaqqiagiinngissuteqarnerat pissutaatinneqarpoq, peqqarniisaarniartoqarneranillu pissuteqarani, kommunimi atorfilittat taama oqarput.
17-inik ukiulik ilinniarnertuunngorniarfimmi Alexis de Tocquevillemi ilinniartuusoq tigusarineqarsimavoq. Koorortuumik, illuinnarsuutinik marlunnik qaartartunillu igeriuttakkanik sakkulisartoq, politiinit tusarfiup nutaarsiassaqartitsivimmut Reutersimut ilisimatitsissutigaa.
Inuk qimaasimasoq politiinit ujaarineqartoq oqaatigineqaraluarpoq.
Ikiligaasut marluusut aappaa tassaavoq Ilinniarnertuunngorniarfiup pisortaa.
Aallaasersortoqareersoq najukkami oqartussat Grassemi innuttaasut Twitterikkut peqquaat illup iluaniiginnaqqullugit. Tamatamunngalu peqatigitillugu peqqarniisaarniartoqarsinnaanera oqarasuaatikkut aamma aarlerisaarutigineqarluni.
Grasse Cannesip avannaata-kitaaniippoq.
/ritzau/
