Assi: Diogo Madeira/Flickr Creative Commons

Pinngitsaaliisimasutut unnerluutigineqartoq: Uanga taamaattuunngilanga

Angutip kalaallip arnamik arparujoortumik siorna pinngitsaaliisimasutut toqutseriarsimasutullu pisuutinneqarnini ilumuunnginnerarpaa.

- Uanga taamaaliornavianngilanga.

Angut kalaaleq eqqartuussivimmi Københavns Byrettimi ullumi pingasunngornermi taama oqarpoq. Angut pineqartoq arnamik arparujoortumik siorna aggustip qaammataani pinngitsaaliisimasutut toqutseriarsimasutullu unnerluutigineqarpoq.

Nassuiaanera naapertorlugu nammineq pinerluttuunngilaq, naak nakkutilliissutinik assilisat dna-millu uppernarsaatit naapertorlugit pinerlussimasutut tikkuarneqaraluarluni.

- Inoqatinnut taamaaliorsinnaanngilanga, angut taama oqarpoq.

Suliaq arnap taamani 38-nik ukiullip sakkortuumik saassunneqarneranut tunngassuteqarpoq. Taanna ullaakkut arparujoortilluni saassunneqarpoq.

Nalunaaquttap akunneri qulingiluat qaangiummata Københavnip illoqarfiata ilaani Østerbromi Sporsløjfen 10-p eqqaani orpikkat akornanni atisaajarneqarsimalluni inuunerminillu ulorianartorsiortitsilluni nassaarineqarpoq.

Angutip unnerluutigineqartup qarlii tujuulualu aammik nassaarfigineqarput, dna-millu misissuisoqareernerani aak arnameersuusoq paasineqarluni.

Unnerluutigineqartorli pinngitsuunerarpoq. Politiinit paarigallarneqarnermi nalaani eqqartuussisunut politiinullu arlaleriarluni allagaqartarsimavoq, allakkallu taakku ilaat eqqartuussivimmut saqqummiunneqarput, ilaatigut ima oqaasertaqartut:

- Uanga taamaattuunngilanga. Pinerluttuliortup nakuuserfigeriaraluarpaanga. Akiuunniarsarigaluarpunga, pinerluttup ajappaanga qimaallunilu.

- Naggataagut qasusupilussuullunga pinerluffigineqartoq qallerlugu uppiffigaara nuakoorfigalugulu. Naggataatigullu uanga pisuutinneqarpunga, allakkamini taama allappoq.

Unnerluutigineqartoq nunatsinneersuuvoq tartumigullu nappaateqarnini pissutigalugu Kalaallit Peqqissartut Angerlarsimaffianni Københavnimiittumi maanna najugaqarluni.

Tartumigut nappaateqarnini aliasuutigileraangamiuk ilaanni imigassartortarluni oqaatigaa.

Unnerluutigineqartoq naapertorlugu, saassussisoqarneranut aqaguttoq immiaararsillunilu vodkasisimavoq. Taakku imersimavai peqatigisaanillu aamma iisartakkanik nappaamminut nakorsaatinik iioraasimalluni.

Eqqaamasaa kingulleq tassaavoq oqarasuaatikkut oqaloqateqarluni, kinali oqaloqatigisimanerlugu oqaatigiumanngilaa.

Unnerluussisussaatitaasut naapertorlugit, unnerluutigineqartoq ima ulorianartigivoq immikkut paarisassanngorlugu pineqaatissinneqartariaqarsorineqarluni.

/ritzau/

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!