Tyrkiami takornariartarfissuarmi nuna sajoqqittoq
Tyrkiami takornarianik ornigarneqarluartartumi nuna sajuppoq.
Juulip qaammataata naalernerani illoqarfiup Bodrumip avataani nuna sajummat 6,7-mik sakkortutigisumik sajuppoq.
Allattoq Ritzau
aggustip 08-at 2017 07:57
Nutserisoq Jaaku Lyberth
USA-mi ujarassiuut misissuisarfianni USG-mi Tyrkiami nunap sajunnera nunap sajunneranut uuttortaat naapertorlugu 5,3 -nik sajuppoq, taannalu nunap iluani 10 kilometerisut ititigisumiilluni.
Nuna sajummat illoqarfik takornarianik ornigarneqarluartartoq Bodrum eqqorneqarpoq. Maanna suli ilisimaneqanngilaq ajoqusertoqarsimanersoq aamma qanoq annertutigisumik aseruatitertoqarsimanersoq.
Sapaatit akunneri arlaqanngitsut matuma siorna sumiffimmi tassani aamma nuna sajuppoq.
Juulip qaammataata naalernerani illoqarfiup Bodrumip avataani nuna sajummat 6,7-mik sakkortutigisumik sajuppoq.
Bodrumimi inuit ikinnerpaamik 358-it ajoquserput.
