TV2-p aallakaatitassiaa nuannarineqarluartoq Nunatsinni immiunneqalersoq
Umiarsuup Havanap nunarsuaq kaajallallugu ukiuni pingasuni Ækvatorip eqqaani kiattuni angalaneranit ukiut pingasut maanna qaangiupput.
Mikkel Beha Erichsen ilaqutaalu misigisassarsiornerisa tullissaani Norge, Savalimmiut, Island Nunarpullu tikinneqassapput.
- Nunat taakku angalasarnitsinni tikinnikuunnginnatsigit nutaanillu misileerusukkatta tikinniarpagut. Tasinngortammi mikisut sinerissallu palmellit sinerlugit angalareerpugut, Mikkel Beha Erichsen TV 2-mut taama oqarpoq.
Avannaanulli angalassagaanni umiarsuarmit ilisimaneqarluartumit Havanamit mattunerusumik umiarsuaqartariaqarpoq, taamaammat Mikkel Beha Erichsenip nuliatalu Sverigemiut umiarsuaat annanniutaasimasoq pisoqaq issittullu imartaani angalasimasoq pisiarisimavaat.