TV-mi pisortartaap sulisut isiginnaartartullu unammillerniarpai

Kim Larsen aggustip aallaqqaataani tv-mi aaqqissuussinermut pisortanngorpat nutaaliorsinnaanissaq ukkatarilerneqassaaq. Isumassarsiat nutaat inissaqartinneqarnissaat naqissuserpaa, isiginnaartullu KNR-i sapiinnerusoq sungiuttariaqarpaat.

 

- Pingaartippara isumassanik nutaanik pilersitsisinnaanissaq, aammalu suleqatigiit sinaakkutissat pigissagaat assigiinngitsut isumassarsiat piviusunngortinniarnissaannut, KNR-TV-mi aaqqissuussinermut pisortanngorlaaq, Kim Larsen oqarpoq.

Nutaaliornissarlu taassuma qilanaaraa.

- Toqqaannarlunga oqaatigisinnaanngilara massakkut qaammatialunnguit qaangiuppata aallartittussaallunga KNR-TV-mi allanngortiterissanerlunga. Sulisullu suleqatigiilluta periarfissat assigiinngitsut misissuataassavagut. Sukkasuumik allanngortiteriinnarsinnaanngilagut, soorunami aamma nukissat killeqarmata, kisianni nutaanik immersuiuassuugut aamma misileraassuugut, Kim Larsen KNR-imut oqarpoq.

KNR-TV-imi isiginnaartartut allaanerulaanik isiginnaartalernissartik naatsorsuutigisinnaavaat, ilaatigut meeqqat timersornermillu nuannarisallit qilanaarsinnaapput.

- Aallakaatitassioriaatsit assigiinngitsut samminissaat takorloorpakka; annertunerusumik timersorneq, nunatsinni pisut assigiinngitsut malinnaaffiginerulernissaat, immaqalu aamma meeqqanut aallakaatitat piorsarusaarnissaat assigiinngitsut, taavalu aliikkutassaasinnaasut neriuppunga ataatsimik suli ilaseqqissinnaassalluta inuit nuannarisinnaasaannik takorloorpakka, Kim Larsen oqarpoq.

Akisussaaffillu imaannaanngitsoq Kim Larsenip ilisimaarilluarpaa.

- Pingaarpoq KNR-iulluta ataatsimut suleqatigiinnissarput inuiaqatigiit pissarsiaqarluarnerunissaat anguniarlugu, pisortartaaq oqarpoq.

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!