Tuttut umimmaallu inatsisartuni

Inatsisartut ullumi ataatsimiilerunik oqaluuserisassaasa ilagaat umimmannik Nuussuarmut qaqugu nuussisoqarsinnaanera. Tamanna Ole Dorph-ip (S) naalakkersuisunut apeqquteqaatigaa.

Aamma Atassutip soqutigaa sinerissap ilaani allami uumasunik allamut nuussisoqarsinnaanera. Tuttut umimmaallu sumiiffinni arlaqartuni amerliartupiluulersimanertik tunngavigalugu nerisassaaleqisalersimapput, kingusinnerusukkut aarlerinartorsiutigisinnaasaminnik, Atassut isumaqarpoq.

Inatsisartut kingorna isummerfigissavaat Doris Jakobsenip (S) oqallisissiaa, naggueqatitta inuuniarnikkut kulturikkullu suleqatiginerulernissaat anguniarlugu aningaasaateqarfimmik pilersitsinissamik apeqquteqaat.

Doris Jakobsenip siunnersuutaa alla, tassalu nunatsinni meeqqanik inuusuttuaqqanillu sullissisunik atorfinitsitsinermi pineqaatissinneqarsimanermik nalunaarsuutip nuutinneqarneranik takutitsoqartalernissaa piumasaqaataasalissanersoq, naalakkersuisut akissuteqarfigissavaat.

Akissummi meeqqanik inuusuttunillu sullissilinnginnermi pineqaatissinneqarsimannginnermut uppernarsaammik takutitsisalernissaq naalakkersuisut taperserpaat.