Enoksen: Tuttut perlerlutik toqunissaat pinngitsoortinniarlugu pisarineqartariarput
- Ukiormanna aputilerujussuuvoq aamma uumasut asuli toquinnarnissaat pinngitsoortikkusupparput, atorusuppagut, taamaammat isumaqarpunga eqqunngitsumik iliuuseqarnerunngilaq ukiuunerani pisassanik aalajangiineq, Aalisarnermut Piniarnermullu Naalakkersuisoq Hans Enoksen taama oqarpoq, Ukiuunerani tuttutassat amerlineqarnissaat sapaatip akunnerani kingullermi aalajangerneq pillugu.
AAMMA ATUARUK Piniarnermut Siunnersuisoqatigiit tusarniarneqanngillat
Piniarfinni marlunni, Ameralimmi aamma Qeqertarsuatsiaani tuttutassat katillutik 100-nut pisassiissutigineqarput, Piniarfimmi Akia - Maniitsumi tuttutassiissutit 150-ullutik.
Pisassiissutigineqartut Pinngortitaleriffimmit innersuussutigineqanngillat.
Uumassusilerisut oqarput, tuttut ukiuunerani eqqissisimatinneqartariaqartut, kulavaat iluminnerisa naligimmassuk taamaattumillu ukiukkut tuttunniartarneq sivitsornagu sivikillineqartariaqartoq pinngortitaleriffimmi biologit taama oqarput. PInngortitaq pillugu nunarsuaq tamakkerlugu suliniaqatigiiffiup
AAMMA ATUARUK Ukiuunerani tuttunniarnerup sivitsuiffigineqarnera WWF-ip isornartorsioraa
WWF-ip Kalaallit Nunaanni immikkoortortaqarfianeersoq Kaare Winther Hansen isumaqataanngilaq. Aputeqarpallaarpat taava tuttut ikinnerusut pisarineqartariaqarput, Kaare Winther Hansen oqarpoq.
Tuttut perlerlutik toqusussat neqitaqarpianngillat pisarineqarnissaminnullu iluatinnaateqaratik.
Tuttut ukiukkut piniarneqartut akornusersorneqartarput, Kaare Winther Hansen oqarpoq.
Tuttut pisarineqanngitsut akornusersorneqarlutik uippakajaartinneqartut toqunissaat qaninnrusarpoq qasutinneqartaramik, Kaare Winther Hansen WWF-imeersoq taama oqarpoq.
Ukiuunerani tuttutassat amerlineqarnerat pillugu Hans Enoksenip piniartut oqaluttuarlutik saaffiginnissutaat aallaavigalugu aalajangerpoq, Pinngortitaleriffik ilisimatinneqarsimalluni, taamaattorli Piniarnermut Siunnersuisoqatigiit isumasiorneqarsimanatik.
- Tusarniaasoqarsinnaavoq aamma, ilaanilu sukkasuumik aalajangiisoqartariaqartarpoq tamannalu uanga atorpara, Aalisarnermut Piniarnermullu Naalakkersuisoq Hans Enoksen taama oqarpoq.
WWF-imit siunnersuutigineqarpoq ukiakkut tuttunniartarneq sivitsorneqassasoq.
AAMMA ATUARUK Ukiuunerani tuttunniarsinnaaneq Pinngortitaleriffiup innersuussutiginngilaa
