Tuttut amerlavallaalerput
maajip 20-at 2005 04:51
Nunatta kitaa suli tuttoqarpallaaqaaq. Tuttunik kisitsinerit kingulliit naapertorlugit Pinngortitaleriffimmi biologit siunnersuipput ukioq manna tuttunniarneq killilersorneqassanngitsoq.
Pinngortitalerfimmit oqaatigineqarpoq tuttut nerisarisaminnut sanilliullutik amerlavallaarujussuarsimanerat nerisassaqarniarnerannut aarlerinartoqartoq.
Kitaani tuttoqarfiit ilaanni tuttut maanna ima amerlatigilersimapput siunissami qanittumi amerlasuut perlerarnissaat ilimagineqarsinnaalluni.
Tuttut nerisakilliulersimanerat piaqqat ikileriarujussuarsimanerannik aamma kinguneqartoq oqaatigineqarpoq. Nuummiit Nassuttuup tungaanut pannerit aamma toquinnartalersimasut oqaatigineqarluni.
Nunarput qulinik tuttoqarfeqarpoq.
