Sisimiut: Tuttunniaq politiinit ujaarineqartoq

Tuttunniaq piniareerluni angerlarsimanngitsoq Sisimiuni Politiinut pingasunngornermi oktobarip aqqarngani nalunaarutigineqarpoq.

Tuttunniaq Sisimiut Sarfannguillu akornanni Utoqqaat tasiata qinnguata nalaani periarfeerunneqarpoq.

Angut 28-nik ukiulik kalaaliuvoq kingullermillu marlunngormat takuneqarluni. Marlunnik piniaqateqarpoq tuttunniarnerminnilu avissaarsimapput.

Angut ujaarineqartoq sullisinik qasertunik qarleqarpoq, tungujortumik kavaaqarluni qernertumillu nammattagaqarluni.

Politiit pingasunngormat unnukkut tusagassiorfinnut nalunaaruteqarlutik allapput qulimiguulik atorlugu sumiiffimmi pineqartumi ujaasillutik, inuillu sumiiffimmiittut alaatsinaaqqullugit. Paasissutissallu suulluunniit pissarsiarerusunneqartut oqaatigaat.

Ujaasinerli nassaarfiunngilaq, taamaattumillu ullumi sisamanngornermi qaammariartulerpat ujaasineq nangeqqinneqassasoq, politiit KNR-imut ullaaq manna taama ilisimatitsipput

Sisimiuni politiit oqarasuaatikkut normumut 70 13 22-mut saaffigineqarsinnaapput.