Tusagassiuut: Savalimmiut Nunat Avannarliit Siunnersuisoqatigiivinut ilaasortanngorumanerat itigartitsissutigineqartoq
Savalimmiormiut ilaasortanngornissamut qinnuteqaataat Nunat Avannarliit Siunnersuisoqatigiivinit itigartitsissutigineqarpoq. Tamannalu Siunnersuisoqatigiit Københavnimi ukioq manna novembarip aallartisimalaarnerani pisumi ataatsimeersuarneranni aalajangerneqartoq aviisip Sermitsiap nittartagaani allaaserineqarpoq.
Savalimmiormiut ilaasortannguissinnaanngitsut, nunat avannarliit ministeriisa isumaqatigiissutigisinnaasimanngilaat.
Savalimmiormiut ilaasortanngornissamut qinnuteqaataat Nunat Avannarliit Siunnersuisoqatigiivisa aqutsisoqarfiata Keflavikimi novembarip ulluisa 28-anni aamma eqqartorpaat, ilaasortanngorsinnaannginnerallu tassani aamma aalajangerneqarluni.
- Apeqqut taanna Savalimmiormiut Danmarkillu siullermik oqaluuserisariaqassavaat, Siunnersuisoqatigiit aqutsisoqarfiat oqartoq, Sermitsiaq.AG-p allaaseraa.