Tusagassiortunngorniat USAmi qinersineq malittaraat
Barack Obama, unammillertinilu Mitt Romney naligiilluinnartumik inissisimasut isumasiuinerit takutippaat. Maannamut Obama 3 procent poinngimik siuarsimasoq, misissuisut pingaarnerit marluk avammut nalunaarutigaat.
Præsidentimut qinersinerup saniatigut kongresimut qinersisoqarpoq tassanilu Demokratit ullumikkut amerlanerusseqarput inatsisartulli arlaanni Repræsentanternes Hus-imi Republikanerit amerlanerussuteqarlutik.
Maanna USA-mi qinersineq Tusagassiornermik Immikkoortortami, Ilisimatusarfimmi ilinniartunit malinnaaffigineqarpoq qinikkatut inissisimaffiit nunarsuarmi pissaaneqarnerpaat ilaata inuttalerneqarnissaa malinnaaffigalugu.
- Washingtonimi Demokraterpassuaqarpoq. Tusagassiortut oqaluttuuppaatigut qinersisartorpassuit angerlarsimaannarniartut naatsorsuutigigamikku Demokraaterpassuit allat qinersiartorumaartut, tusagassiortunngorniaq Katrina Lindberg oqarpoq.
