Qaqortoq Fish ApS Tunup imartaani kujataanilu pisassinneqarpoq
Qaqortoq Fish Aps, tassa aalisartut umiatsiaararsortut 14-iullutik piginneqatigiillutik ningittagarsuummik aalisariutissaat pingasunngormat kiisami aalisagagartassinneqarpoq.
-Massakkut qujanartumik iluatsippoq. Tassa 838 tonsinik saarullittassanik ippasssaani tunineqarput, taavalu aamma qaleralittassat 295 tonsit, Qaqortoq Fish ApS-imi pisortaq Gerhardt Petersen oqarpoq.
Kujataani aalisarnerup ukioq manna ingerlanerlunnera pissutaalluni Kujataani suliffissuarni sulisut ikileriarujussuarnerat pillugu Qanoruumi marlunngormat ilanngutassiaraarput. Tassanilu Qaqortoq Fish Aps-meersut pisassineqarnissaminnik utaqqikatannerat pillugu oqaaseqartoqarpoq. Aqaguanilu pisassinneqarput.