Tunup Avannaarsuani ilisimasassarsiornissamut pilersaarut annertooq aallartinneqalersoq
Pilersaarummi pimoorussaasumi sumiiffimmi uuliamik misissuinissamut pilersaarutit malittarisarissallu qanoq iliorluni pitsanngorsarneqarsinnaanersut paasiniarneqassaaq, Naalakkersuisut tusagassiuutinut nalunaaruteqarlutik taama allapput.
Pilersaarummi suliat 20-t ingerlanneqassapput. Suliassat assigiinngitsorpassuit, imaani silaannarmilu ingerlanneqartussat suliarineqassapput.
Suliani allani akuutissanik avatangiisinut iluaqutaanngitsunut nungutitsiniaanermi periarfissanit paasisat annertunerulernissaat siunnerfigineqarpoq. Tamatumani avannaarsuani imaani uuliaarluertoqarpat akiuiniarnissaq siunertarineqarpoq.
Suliani allani akuutissanik avatangiisinut iluaqutaanngitsunut nungutitsiniaanermi periarfissanit paasisat annertunerulernissaat siunnerfigineqarpoq. Tamatumani avannaarsuani imaani uuliaarluertoqarpat akiuiniarnissaq siunertarineqarpoq.
Iisimasassarsiornissamut pilersaarut pillugu isumaqatigiissut, 60 millioner koruunit missaannik aningaasartaqartoq, Naalakkersuisut oqarnerat naapertorlugu akuersissutinik pigisaqartut Aatsitassarsiornermullu Aqutsisoqarfiup, aammalu Aatsitassarsiornermi Avatangiisinut Aqutsisoqarfiup akornanni isumaqatigiissutaavoq.
Uuliasiorfiit Kalaallit Nunaanni misissuinissamik aammalu uuliamik gassimillu atuinissamik kisermaassinissamut akuersissutinik pigisaqartut, Kalaallit Nunaanni uuliasiornermi gassisiornermilu avatangiisini pissutsinik ilisimasaqalernissamut tapiissuteqarnissaq pisussaaffigaat, Naalakkersuisut tusagassiuutinut nalunaaruteqarlutik taama allapput.
