Tunumiut pujortartartut nerisassakinnerusarput

Misissuisitsinermi aatsaavissuaq apeqqutigineqartoq tassaavoq nerissassaqarneq nerisassaqannginerluuniit  aviisi sermitsiaq tallimanngormat saqqummersoq taama allaaserisaqarpoq.

Misissuitsinermi peqataasut 12 procentiisa akissutigaat ukiuni kingullerni ulloqartartoq angerlarsimaffimmi nerisassaqarani nerisassarsinissamullu aningaasaateqartoqarani.

Misissuisitsinermi aperineqartut akissutaanni takuneqarsinnaavoq nerisassaqarnissamut nalornisut syv procentii Nuummi najugaqartut 21 procentiilu Tunumi najugaqartuusut.  

Pujortartarneq akikitsuiunnaanngilaq. Inuussutissaqarnissaminnik nalornissuteqartartut 14 procentii pujortartarput. Taakkualu maloriaatat pujortarneq ajorput.    

Nunatta kangiani kitaanilu matumani aamma assigiinngissuteqarput.

Pissutsit assigiinnginnerannut arlalinnik patsiseqarpoq,  professor Peter Bjerregaarad  Naalagaaffimmi innuttaasut peqqissusaannut ingerlatsivimmi ilisimatooq oqarpoq.   

- Siullermik piitsuussuseq Tunumi annertuneruvoq  aamma Tunumi  pujortartut amerlanerupput.
 
Pingajussaanik Tunumut inuussutisannik pilersuiniarneq ajornarneruvoq,  assersuutigineqarpoq  qaammaterpassuit   qaangiukkaangata Ittoqqortoormiunut umiarsuarmik pajuttoqartarpoq, Peter Bjerregaard aviisimi sermitsiami apersorneqarluni taama oqarpoq,.

Kalaallit Nunaanni innuttaasunik misissuitsinermi, angerlarsimaffinni nerisassassanik amigaateqartoqartarnersoq ilisimatuut aatsaavik innutaasunut apeqqutigivaat.  

Ilisimatuup Peter Bjerregaardip aviisimut sermitsiamut ilanngullugu oqaluttuaraa Canadami ilisimatuut Canadami inuit aamma nunap inoqqaavisa akornanni misissuinerminni taakkua  inuussutissaqarniarnermut nalornineq pillugu ukiorpassuarni apeqqutigineqartartunut ilaasartoq.