Arkiv

Tunumiusut kalaallisuuliorneq ineriartortitsisinnaavoq

Tunumiutut kalaallisuuliornermik ilinniarfissamik Tasiilami pilersiniarnissamik, Inatsisartunut ilaasortaq Siumumeersoq Laura Taunajik siunnersuuteqarpoq.

- Uagut sumiuussuserput taavalu kulturikkut pingaartitagut massakkut ukiuni kingullerni malunnartumik ingammi tappavani pisinnaasut pikkorissut kalaallisuuliorsinnaasut amerlajunnaaruartorput taamaammat isumaqarpunga pisariaqartoq, Siumut sinnerlugu Inatsisartunut ilaasortaq Laura Taunajik taama oqarpoq.

Tasiilami tunullu sinnerani suliffissaaleqinermik ilinniarsimasukinnerullu akiuiniarnermi kalaallisuuliorfik iluaqutaassaqisoq, siunnersuuteqartoq aamma isumaqarpoq. 

Atassummiit siunnersuummut isumaqataapput. Kisianni ilinniarfimmi ilinniartagassat amerlanerussariaqarsoraat.

- Qajaliorneq, umianik poorsineq, umialiorneq, qamutiliorneq, saaqqusiorneq uagut immikkorluinnaq kultureqarpugut tunumi suli aallutatsinnik aamma suli qilaatersorneq eqqarsaatigalugu,

Atassut sinnerlugu Inatsisartunut ilaasortaq Mala Høy Kuko taama oqarpoq.

Piviusorsiornerussagaannili ilinniartitsisussat qulakkeerneqaqqaartariaqartut, Laura Taunajik isumaqarpoq.

-  Innuttaasut tamakkununnga pikkoriffillit naapillugit oqaluuttarakkit, suliaallu nalunagit qanoq peqqissaagaatigisut taamaammat ilinniartitsisussaqarniarneq tassuuna apeqqusinngilara,

Siumut sinnerlugu Inatsisartunut ilaasortaq Laura Taunajik taama oqarpoq.
siunnersuut Inatsisartuni majip 11-ani siullermeerneqassaa pilersaarutigineqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!