Nunanit allanit

Tuluit Nunaanni sillimaniarneq annertusineqartoq

Sioorasaarinerup annertussusia "ilungersunartumit" "sakkortuumut" tuluit oqartussaasuinit qaffaavigineqartoq, tuluit premierministeriata Theresa Mayip marlunngormat unnukkut tusagassiortunik katersortitsinermi tamanna ilisimatitsissutigaa.
Buckingham Palace
Buckingham Palace Assi © : shining.darkness/flickr/all creative commons
Allattoq Ritzau
maajip 24-at 2017 07:21
Nutserisoq Bikki P. Kleist

Tuluit Nunaata oqaluttuarisaanerani pingajussaanik taamaaliortoqartoq, BBC allappoq.

Tamannalu peqqarniisaarniartoqaqqissinnaaneranik isumaqarsinnaavoq, nutaarsiassaqartitsivik Reuters allappoq.

Manchesterimi tusarnaartitsisarfissuarmi ataasinngormat saasuussisoqarnerani inuit 22-t toqutaanerisa 59-illu ikiligaanerisa kingorna sioorasaarinerup annertussusia qaffaavigineqarpoq.

- Ataasinngormat saassussinermi allat akuusimasinnaanerat mattutivissorsinnaanngilarput, Theresa May tusagassiortunik katersortitsinermi taama oqarpoq.

Premierministerip aamma ilisimatitsissutigaa tamanut ammasumik aaqqissuisoqassatillugu sakkutuut politiinik ikiusinnaanissaat tuluit illersornissamut ministeriata akuersissutigisimagaa.

Sioorasaarinerup annertussusia Tuluit Nunaanni 2014-imiilli "ilungersunartutut" inissisimatinneqarpoq.

"Sakkortuumullu" siullermik qaffanneqarpoq 2014-imi, timmisartorsuup atlantiku ikaarlugu ingerlaartussap qaartinnissaanik pilersaarutit taamani qulaajaaffigineqarmata.

/ritzau/Reuters

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq