Assi: Flickr.com / Mutualité Française

Macron Trumpip silap pissusia pillugu isumaqatigiissummut isummani isumaliuutigigaa

USA-p præsidentiata, Donald Trumpip, USA-p silap pissusia pillugu Parisimi isumaqatigiissummit aninissaanut aalajangernini allanngortinnissaa pillugu franskit præsidentiat, Emmanuel Macron, isumalluarpoq.

Reuters naapertorlugu, aviisi sapaatit akunneranut saqqummersartoq, Le Journal de Dimanche, taama allaaserisaqarpoq.

- Trump qaammatini tullerni aaqqiissutissarsiorniarluni oqarfigaanga, Macron Trumpimik sisamanngormat tallimanngormallu ataatsimeeqateqarnerminut innersuussilluni taama oqarpoq.

- Parisimi isumaqatigiissummut qanoq ilanngoqqissinnaanersoq pillugu annikitsualunnik oqaluuserisaqarpugut, Macron aviisimut oqarpoq.

Trump Frankrigip illoqarfiisa pingaarnersaanni tikeraarnermini tusagassiortunik katersortitsinermi oqarmat, "Parisimi isumaqatigiissut pillugu arlaannik pisoqarsinnaavoq, takoriartigu", tupaallatsitsivoq.

Taama oqarnera silap pissusia pillugu isumaqatigiissummut isummani allanngortissinnaaneranut takussutissaasorineqarpoq.

Macronip Trumpip isumaa allanngorteriaraluarniarlugu tikeraarneq sioqqullugu oqaatigereerpaa.

Nunat 200-ngajaat Parisimi decembarimi 2015-imi isumaqatigiissutigineqartumut ilaapput. Gassinik silaannarmik kissakkiartortitsisartunik aniatitsinerup millisinnissaa, silallu pissusiata allanngoriartornerata kigaallatsinnissaa, isumaqatigiissusiornermi siunertarineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!