Ilisimasalik: Trump præsidentinngussappat Issittumut sunniuteqartupilussuussaaq

Danskit aviisianni ullormut saqqummersartumi Børsenimi Issittoq pillugu ilaatigut inatsisinut tunngasutigut immikkut ilisimasalik Lone Wandahl Mouyal taama allaaserisaqarpoq.

Trumpip nalunaaruteqarnera naapertoraanni "America First"-mik taallugu suliniutitaqarniarpoq - tassalu amerikami nunami namminermut tunngasut salliutillugit.

Tamatuma kingunerisinnaavaa ukiuni kingullerni USA'p Issittumik ukkataqarnera, ingammik Issittumi siunnersuisoqatiinni atuukkunnaartoq, Trumpimmi silap pissusia pillugu immikkut ilisimasallit mianersoqqussutaat qularimmagit.

Aamma atuaruk Qujaukitsoq: Trump suniarnersoq naluarput

Ilutigitilluguli nunani issuttuniittuni oliamik gasimillu qalluisoqarnissaa isumaqatigalugu. Unammillertaa Demokratineersoq Hillary Clinton akerlianik isumaqartoq Issittoq eqqissitinneqarluni tamakkunannga qalluiffigineqassanngitsoq.

Sillimaniarneq eqqarsaatigalugu Trumpip aamma USA'p inissisimanera allanngortikkusuppaa,  tassalu sakkussiorluni; tamatumunngalu aamma Issittoq ilanngunneqarsinnaasoq, Lone Mouyal isumaqarpoq.

- Clintonimut naleqqiulluni Trump sakkutooqarnermut annertunerujussuarmik aningaasaleerusuppoq, Issittullu nakkutigineqarnera sakkulersorfigineqarneralu qitiuleriaannaavoq. Qaasuitsup killeqarfiata avannaani siunissami ineriartornissap qanoq ittuunissaanut apeqquterujussuuvoq amerikami kia siuttunngornissaa, immikkut ilisimasalik taama allappoq.

Novembarip arfineq pingajuanni USA-mi præsidentimut qinersisoqassaaq.