Trump nunasisut pillugit aaqqissuusseqqinniartoq
USA-p præsidentiata oqaatigaa nunasisut pappiliartaqanngitsut pinerluttuliortullu sakkortunerusumik pineqassasut.
Allattoq Ritzau
marsip 01-at 2017 07:47
Nutserisoq Simon Uldum -
Donald Trump præsidentitut januaarimi ivertinneqarnermi kingorna Kongressimi ippassaq unnukkut siullerpaamik oqalugiarpoq.
Islamisk Statimut akersuunneq, Nato, nunami attaveqarneq, Obamacare akileraarutitigullu oqalisaassinissaq oqalugiaatimini ilaatigut eqqaavai.
- Nunasiniat ilinniagaqarpianngitsut nunamut isaatikkunnaassavagut, præsidenti oqarpoq.
Trump naapertorlugu, taamatut aaqqissuusseqittoqarnera amerikamiut sulisartukkormiut iluaqutigissavaat.
- USA aningaasarpassuarnik sipaagaqarsinnaassaaq, ilaqutariinnullu akunnattumik akissarsialinnut ikiuutaassalluni, tamannalu qularnanngitsumik nuannaarutigilluassavaat, Trump taama isumaqarpoq.
/ritzau/dr.dk
