VIDEO Trump: Hillary pisuuvoq
Donald Trumpip Præsidentip Illorsuaniittussatut piukkunnaateqarnerpaajunini minnerunngitsumillu unammillertimi Hillary Clintonip peqquserluttuunera pinerluttuliortuuneralu qinersisartunut paasitinnissaa ilungersuutigiuarsinnarpaa.
Clintonip nammineq e-mailservererisaminik sulinerminut atatillugu atuisimanera pissutigalugu eqqartuussivimmut suliassanngortitsinissaq FBI-p tunngavissaqannginneraraluarpaa.
- Hillary Clinton pisuuvoq. Nammineq nalunngilaa. FBI-p nalunngilaa. Kikkut tamarmik nalunngilaat. Amerikami innuttaasut naapertuilluarnerup atuutitsinneqarnissaa novembarip arfineq-pingajuani qinersinermi isumagisussanngorpaat.
Hillary Clintonip aaqqissuussinermit peqquserluttuliorfiusumit illersugaanera Donald Trumpip oqaatigeqqippaa FBI-llu nalunaarnera tamatumunnga assersuutaannaanerarlugu:
- Aaqqissuussineq peqquserluttuliorfiulluinnarpoq. Tamanna qangali oqaatigisarpara. E-mailit nutaat 650.000-it ullut arfineq-pingasuinnaat atorlugit misissorneqarsinnaanngillat, naalagaaffimmi Michiganimi qinersisartunik ataatsimiititsinermi taama oqarpoq.
