Nuummi inuit pingasut savimmik kapineqarput
Nuummi imerniartarfiup Kajitsiinaaqqap silataani saassussisoqarnerani inuit pingasut savimmik kapineqarput.
Imerniartarfiup Kajistiinaaqqap silataani saassussisoqarneranik Nuummi politiit arfininngornermi unnuakkut nalunaarfigineqarput.
Politiit apuummata inuit pingasut savimmik kapineqarsimapput.
Tamatuma kingorna savimmik kapisisimasutut pasineqartoq politiinit tigusarineqarpoq.
Politiilli paasissutissanik annertunerusunik oqaaseqarsinnaanngillat paasiniaalluni misissuisoqarnerata nalaani.
Kajistiinaaqqap silataani savimmik kapisisoqarnerani takunnissimasut ilisimasaqartulluunniit politiinit attavigineqarusupput.
Kalaallit Nunaani Politiit oqarasuaataata normoraat 70 14 48.