VIDEO Transparency: Inuiaqatigiit Inatsisartut Naalakkersuisullu soqutigisaat nalunngittussaavaat
Taakkuli sunik soqutigisaqarneri inuiaqatigiit nalunngittariaqarpaat, Transparencymiit taama isumaqarput.
- Siulersuisuni ilaasortaaffeqarnerat, suliffeqarfinnik piginneqataarfeqarnerat imaluunniit suliffiuteqarnerat aamma inuttut aningaasatigullu soqutigisaat ersarissarneqartariaqarput, Anita Hoffer, Transparency Greenlandimi siulittaasoq oqarpoq.
Aalajangiisartussaappummi, sunalu soqutigineraat paasissallugu pingaaruteqarpoq.
- Inuttut suut soqutigisarineraat ilisimassallugu pingaaruteqarpoq, taamaalilluni inuiaqatigiinni ammasumik ingerlatsisoqarnissaa qulakkeerneqarsinnaavoq, taassuma saniatigut soqutigisaannut attuumassutilinnik aalajangiiniartillugit peqataasannginnissaat aamma qulakkeersinnaavarput, Anita Hoffer oqarpoq.
Taakkualu paasissutissat saqqummiunnissaannik Naalakkersuisut Siulittaasuat immikkut akisussaaffeqarpoq, Naalakkersuisuni malitassat pillugit qulakkeerinnittussaagami.
