Assi: Google Maps

Toqutsisimasutut pisuutinneqartup eqqartuussinerup inernera suliareqqitassanngortippaa

Thomas Møller Olsenip Islandimiumik Birna Brjansdóttirimik toqutsisimasutut eqqartuunneqartup eqqartuussinerup inernera suliareqqitassanngortippaa. Islandimi tusagassiorfik RUV taama allaaserisaqarpoq.

Angut kalaaleq ukiuni 19-inini parnaarussivimmiittussanngorlugu septembarip 29-ani eqqartuunneqarpoq, matumani toqutsisimasutut hashimillu 23 kiilumik eqqusseriarsimasutut pisuutinneqarlni.

Islandimi eqqartuussineq oqaluttuarisaanermi pisut qiviaraanni sakkortuutut unnerluussisussaatitaasumit, naalagaaffiullu eqqartuussissuserisuata tullianit Kolbrún Benediktsdóttirimit nalilerneqarpoq.

AAMMA ATUARUK Unnerluussisussaatitaasup eqqartuussut naammagisimaaraa

Thomas Møller Olsenillu eqqartuussut Islandimi eqqartuussisuuneqarfimmut suliareqqitassanngortikkaa unnerluussisussaatitaasup Sigridur Fridjonsdottirip Islandimi tusagassiorfimmut uppernarsarpaa.

Eqqartuussut suliassanngorteqqinneqartoq ukiortaartinnagu suliarineqassaguni eqqartuussisuuneqarfimmi maanna atuuttumi suliarineqassaaq. Nunamili eqqartuussisuuneqarfiup nutarterneqarnerata kingorna eqqartuussiveqarfik nutarterneqarpoq, nutarterineq januaarip aallaqqaataani 2018-mi atuutilissaaq. Taamaalilluni apeqqutaaginnalerpoq qaqugu suliarineqarnissaa.

Thomas Møller Olsenip toqutsisimasutut pisuunnginnini aallaqqaammulli attappaa. Taamaattoq hashimik eqqusseriarsimanini nassuerutigaa.

AAMMA ATUARUK Birnamik toqutsineq ikiaroornartulerinerlu ukiuni 19-ini parnaarussaassutigissagaa

AAMMA ATUARUK Birnanut tunngasoq immikkuullarissorujussuuvoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!