Toqutaasup videoliarineqarnera TV-eqarfiup saqqummiukkaa

Korea Avannarliup siuttuata Kim Jong-Unip qatanngutaata, Kim Jong-Namip, toqutaaneranik videokkut immiussaq saqqummiunneqarpoq.

Japanip tv-qarfiata Fuji TV-p saqqummiukkaa, nutaarsiassaqartitsivik Reuters allappoq.

Pinerliineq mittarfimmi, Malaysiap illoqarfiisa pingaarnersaannittumi Kuala Lumpurimi, immiunneqarpoq, tassanilu takuneqarsinnaavoq arnap qaqortunik atisallip Jong-Nam tunuanit tigugaa, kingornalu qimaalluni.

Jong-Nam sanipillunilu paatsiveeroqqarpasilersimavoq. Taassuma mittarfimmi politiit attaveqarfigai, napparsimmavimmukaanneqarmallu kinguninngua toquvoq.

Pasisat sisamat, taakkunannga ataaseq Koreap Avannarlianeersoq, Malaysiap politiivinit maanna tigummigallarneqarput.

Koreap Avannarlianeersut sisamat allat, pinerliisoqarnerata nalaani nunartik qimassimammassuk, pasineqarlutik politiinit aamma ujaarineqartut, pisortat paasissutissiipput. 

Tv-kkut immiussat pisortanit politiinillu uppernarsarneqanngillat.

/ritzau/