VIDEO Timmisartunik saassussinerup Syriami illoqarfik aseqqukunngortikkaa
Illoqarfiup Aleppomit kilometerinik 15-inik ungasitsigisumiittup timmisartunik saassunneqarnerani illorpassuit aseruatiterneqarput.
Video file
Allattoq Ritzau
oktobarip 26-at 2016 06:06
Nutserisoq Simon Uldum -
Syriami najugaqarneq oqitsuinnaanngilaq, iligiimmi USA-mit siulersorneqartut peqqarniisaarniaqatigiinnut Islamisk Statimut akersuupput. Timmisartunik saassussisoqarnerata kingorna illoqarfissuup Aleppop ungasinngisaani najugallit illoqarfimminni aseqqukunngortinneqartumi iluarsaassipput.
Illoqarfiup Urum al-Kubrap saassunneqarnerani inuit pingasut toqutaasimasut Syriami inuttut pisinnaatitaaffiit pillugit nakkutilliisoqarfiup ilisimatitsissutigaa. Syriamilu nunap inuinik illersuisut oqaatigaat inuit pingasut toqutaasut sisamallu ikiligaarujussuarsimasut.
Amnestyp nalunaarusiami nutaami USA isornartorsiorpaa Islamisk Statimut akersuunnermi sakkutuujunngitsut amerlaqisut toqutaasarnerinik akuerisaqannginnera pillugu.
