Timmisartuaraq inuttaqanngitsoq silap pissussaata allanngoriartornera malinnaaffigissagaa
Danmarkip naalagaaffiata avataarsua pillugu ilisimatusarfiani, timmisartut ungasianiit aqunneqartartut piareersarneqaleruttorput, taakkua tunup avannaani immap sikua aamma sermersuaq uuttorartussaavaat, DR aamma DTU space taama nalunaarput.
Timmisartut ungasianiit aqunneqartartut atorlugit siku pillugu paasissutissanik katersisassaaq taakkua atorneqarnerisigut katersineq akikinnerussaaq piuminarnerullunilu.
Immap sikua aamma sermersuaq pillugit paasissutissat qaammataasat satellitit atorlugit manna tikillugu katersorneqartarput tamannali naammanngilaq aput sermip qaavanut tuttartoq qaammataasanit uuttortarneqarsinnaanngimmat DR DK taama allaserisaqarpoq.
Taamaattumik timmisartut mikisut atorlugit sikup issussusia uuttortarneqartarpoq aputip annertussusia ilanngunnagu.
Uanilu tassa timmisartut uangasianit aqunneqartartut pisariaqalersarput. Timmisartoq uangasianit aqunneqartartoq meterisut pingasunik takitigivoq kilonik qulinik oqimaatsigaluni, taakkua oqinnerupput akikinnerullutik, nalinginnaasumik inuttaqartariaqaratik aamma orsussanik atuisariaqaratik.
Timmisartut ungasianik aqunneqartartut biilisut nammineerlutik ingerlasinaasutut sananeqarput, assiliissutitaqarput aamma sumiissusersiuteqarput GPS-imik eqqortumik sumiissusersiortartumik ammullu uttortaasinnaapput centemerit tikillugit apppatsigisuniittunut.
DTU Space allaaserisaa naapertorlugu sikup sermersuullu uttortarneqarnissaannut timmmisartunik ungasianit aqunneqartartunik arlalinnik pisinissaq eqqqarsaartaasimavoq. nunarsuup avannaata imartaani arferit qanoq amerlatiginerat timmisartut uangasianiit aqunneqartartut atorlugit nakkutigineqalernissaat naatsorsuutigineqarpoq, taakkua Pinngortitaleriffiup timmisartut atorlugit nakkutigineqartarput.
